Ругуд йис я вун рик1еваз,
Вал вил алаз амукьна зун.
К1анивили, лувар кутаз,
Хуш хьана чи рик1ериз чун.
Ачух хьанай рик1ин майдан,
Вилерани нурар гьатна.
Амма чан яр хьанач ваз ван,
Зи рик1 ц1ураз кабаб хьана.
Гила зи руьгь виредава,
Кьурур жезвач ви дердинай.
Я сад Аллагь, вун гьинава?
Акъуд а рик1 дериндавай.
Аман амач зи чандихъ гьич,
Руьгь амачиз экъвезва зун. Бахсузвилин т1уьнат1 за ич?
Вучиз закай катнава вун?
Йисар фена куьтягь жезва,
Вал вил алаз ацукьна зун.
Мус це лугьуз вун яр къведа,
Исте жервал , к1анибур чун.
Ругуд йис я вун рик1еваз
© Copyright: Назиль Махмуд 76, 2017
Свидетельство о публикации №117040107358
Свидетельство о публикации №117040107358
Рецензии