Спынi ўсе пустыя размовы,
Хай сэрца стучыць у цiшынi.
Хай простыя шчырыя словы
Плывуць у гарадской вышынi.
У час нясмелых спатканняў
I ў дзень нараджэння дзiцяцi
Ёсць простыя словы кахання
I простыя словы для шчасця.
Не трэба у бравадзе хавацца
Роспачы ўздыхаў i злосцi.
Патрэбна слоў чэрствых цурацца
Каб не крыўдзiць раднога кагосьцi
Хай будзе ў словах пяшчота,
Ратунак у клопату гэтым.
Адступiць атруты гарота
I знiкне ў сцiхаючым ветры.
Раптоўна няўзнак абдымi,
Спынi ўсе пустыя размовы.
Гучаць хай у кожнай сям'i
Тры простыя шчырыя словы…
Простыя шчырыя словы
© Copyright: Ката Сорокина, 2017
Свидетельство о публикации №117032111427
Свидетельство о публикации №117032111427
Рецензии