Окойники, течи мон кудосан.
Кувакасто таргаса оймем.
Эзем пинес пелезь ладсо озан
Ды кумажан лангс путсынь кедем.
Сэтьмечись пештизе чаво кудом:
Вальматнева шаршавокс новольсь,
Нупальтнестэ тейсь чопода утомт,
Кенкшетнева панжомат поводсь.
Цецятне ожолгадомо кармасть.
Сёксь ульцясояк, кудосояк.
Мекс истя кеняркс оймесэнь арась?
Секс, мекс учицям арась кияк.
Окойники, течи мон кудосан.
Кадык ней а кинень монь вастомс.
Ялатеке шкань ютазь одов сан,
Ды чалган поровтонть трокс састо.
***
© Copyright: Алина Подгорнова, 2017
Свидетельство о публикации №117031411540
Свидетельство о публикации №117031411540
Рецензии
Алина, сёрмадат пек вадрясто, домкасто, мазыйстэ. Лиякс меремс, те виде-паронь поэзия, эсь кой марто. Ловнан сонзэ ды оймем кеци.
Покш сюкпря тонеть ды ульть шумбра!
Дмитрий Волжанин 22.10.2017 21:55 • Заявить о нарушении
Покш сюкпря тонеть ды ульть шумбра!
Дмитрий Волжанин 22.10.2017 21:55 • Заявить о нарушении
Дмитрий, покш сюкпря паро валот кис, мельспаро эрзянь ломанень пельде истят валт марямс!)
Алина Подгорнова 23.10.2017 09:51 Заявить о нарушении
Алина Подгорнова 23.10.2017 09:51 Заявить о нарушении