Зун гьуьл я ,вун зин лепе хьухь,
Жагъура заз фидай са пад.
Хиял хьана зин рик1е хьухь,
Физ хьайит1а яргъариз мад.
Вун чуьл хьурай ,зунни цуьквер.
Марф къвайила,гуьрчег хьайи.
Селдин хурук ква а рекьер,
Вун хъфена зун тек хьайи.
Вун рагъ хьайт1а зун чиг хьурай.
ВИн нурар зал элкъведайвал.
Зун вин багъдин емиш хьурай
Вун захъ хъсан гелкъведайвал.
Вун дагъларин дерин булах,
Зун булахдин михьи яд хьуй.
Зин к1енивал яхъ на вине
Инсаф ая, минет-дад хьуй.
Зун гар жеда ,вин гуьгъуьна
Къекъведа ,зун йифиз-юкъуз.
Зун яр жеда ,шел туьтуьна
Вилера хъвер жеда ваз гуз.
ВУн зин к1вл хьухь,зун вин къавук
Муг ийидай са лиф жеда.
Гьар юкъуз ша зин къаншардиз
Татайт1а заз гьайиф жеда.
Хиял хьана зин рик1е хьухь
© Copyright: Гулья Мисриханова, 2017
Свидетельство о публикации №117030911675
Свидетельство о публикации №117030911675
Рецензии
C Сагърай КУЬНИ! ШИИРАР К!ЕЛДАЙ АШКЪИ ГЕНАНИ ГУЖЛУДИ ХЬУРАЙ!!!!!
Гулья Мисриханова 27.05.2017 23:05 Заявить о нарушении
Гулья Мисриханова 27.05.2017 23:05 Заявить о нарушении