Хайи диде акуна заз ахварай,
Ахвар тушиз гьакъикъат яз,заз,кlандай.
Аватна зун лувар хана цаварай,
Къайи гьекьер авахьна хьи зи чандай.
Йифди мад зун ахвар квахьна ксанач,
Нагъв накъвадин гуьгъуьналлаз авадриз.
Къамат вилик,амма диде раханач,
Кlан хьана,заз,вири дуьнья ацадриз.
Экв хьайила фад-фад кlвачел къарагъна,
Экъечlна зун кlваляй фена сурарал.
Рикl тlар хьайла,диде,лугьуз гьарагъна,
Акун патал фидани жув цаварал?
Йисар фена алатналди жедач динж,
Залум уьмуьр,я кlанни жеч заз а йиф.
Зи чандава ажугъвилин са къилинж,
Вун галачир уьмуьр,агь,гьайиф,гьайиф!
Дидедин къамат
© Copyright: Марьям Алискерова, 2017
Свидетельство о публикации №117030612375
Свидетельство о публикации №117030612375
Рецензии