Къекъвезва рик1 акъваз тийиз
Лап яргъара, деринра...
Руьгьдихъ галаз суьгьбет ийиз
Чуьнуьх жезвай серинра...
Акъваз, вуна гьикьван ягърай -
Ван гьатнава зи кьиле...
Ви ванци зун гьикьван тагърай -
Зурзурзава гьар перде..
Чепелукь хьиз, ц1ал лув гайи,
Ч1ух хьайи са легьзеда,
Ракъини, марвар хьиз кайи,
Я рик1,гьикьван къекъведа!
Къекъвезва хьи вун далдадихъ -
К1анзавани секинвал?
Чуьнуьх хьанва вун къузадихъ -
Гадарна руьгь на гарал...
Хуьзва вуна, рик1, зи сирер,
К1евирнава дегьнеда.
Акьун тавуй пехил вилер
Сир акурт1а сегьнеда.
Къекъвезва
© Copyright: Гасанова Гюзеля, 2017
Свидетельство о публикации №117030410793
Свидетельство о публикации №117030410793
Рецензии