Фикирар гьар жуьре я
Сад агъуз сад вине я
Кьил акъатнач и кардай
Чун алцуррай дуьнья я.
Гьим я Гьим!
Заз чидайвал,куьне дустар
Вири гафар лагьанвач.
Геж хьанава сабязибур
Вири иниз атанвач.
Ким я Ким!
Кьуьд я лугьуз магъарада
Гьахьмир дустар экъеч1а.
Магьшур жен чун шииралди
Вири,кхьиз эгеч1а.
Кьуьд я Кьуьд!
Вегьеда кьуд патаз вил
Сада-садан кьада гъил.
Илгьамдин яд къваз дустар
Жедач садрани сефил.
Ким я Ким!
Рик1ин гафар халкьдин вилик
Эцигзавай къучагъар.
Багъишда за квез марварар
Ац1урда куьн къужахар.
Син я син!
Эгер чун хьайит1а герек
Гьазур я гуз,жедай куьмек.
Агатда фад,къведа патав.
Гьич садрани твадач куьн тек.
КЬин я кьин!
Булахдин ким
© Copyright: Гулья Мисриханова, 2017
Свидетельство о публикации №117022012544
Свидетельство о публикации №117022012544
Рецензии