Унге...

Унге мун,унге мун, унге дир  г1умру!
Г1едег1ун чвахулеб г1урул лъим г1адин.
Чвахуге,  чвахуге,   бух1араб  маг1у,
Т1ад русссун щоларел къоязда хадуб...   

Дир  лъимерлъиялда  кодоб бук1араб,
Берцинаб ясик1о басралъун буго.
Ч1ег1ерал гъалазулъ саву кканиги,
Ригь иналъе дир рак1 мук1урлъуларо...

Гьит1инго йик1адго херал рихьидал,
Гьел гьедин рижанин кколеб бук1ана.
Санал т1аде ц1ик1ун г1олохъанлъидал,
Херлъи дида хъвазе гьеч1илан ккана.

Аллагьас къадар хъван рукъ-лъималазде,
Сверулел саназул х1исаб гьабич1о.
Х1исаб суалалъе амру бук1улеб,
К1удияз бицулеб г1индаги хъвач1о...

Дир г1азизаб, г1умру, дур г1едег1и щиб!
Щвалде щвеч1еб чанги анищ  хут1анин.
Биччараб ч1ор г1адин, г1ужий бит1араб,
Кквезе кодоб щвелин,  божи
 бук1анин!...

Гьанже г1оде, дир нафс, маг1илъги т1ерхьун,
АЛЛАГЬ гурх1иялда хьулалги гьарун!
Тавбуйилан  ах1е,  бух1улеб дир рак1,РАХ1МАНАСДЕ
реххун таваккалги  тун!...
                16  02 2017с