Вуч къал ква къе цаварик и -
Секин жезвач йиф.
Я вил физвач ахвариз зи
Хангагдамаз киф.
Ни кич1 гана ракьун лекьер
Къудгунна цавуз?
Шумуд чанда гьатна мекьер
И ван жез япуз!
Какахьнани лацу-ч1улав,
Яшани тенкьил?
Динж хъижезмач я рик1 къулав,
Я ястухдал - кьил.
Къурхувили, зи Чилин шар,
Куьц1уьрнава чун:
Вунни, къизил ич алай тар,
Ва вал ашукь зун.
Мад ви цавуз, мад зи хуруз
Хъижезва сес сух,
Мад чна-чаз теселли гуз,
Гуьзетзава югъ.
Вуч къал ква къе цаварик и...
© Copyright: Пакизат Фатуллаева, 2017
Свидетельство о публикации №117021611335
Свидетельство о публикации №117021611335
Рецензии