Бязи лезгийри ракъин цуькведиз "гуьлебахан" лугьуда.
Гуьнедик ква, ник1е, кьакьан
Гуьлебахан.
Мусалай ваз ви яр дак1ан
Хьана, вахан?
Ракъин цуьк яз, иер баха,
Ала тир вун,
Къилих умун, гьиссер заха
Гъала тир вун.
Ракъин хъиляй дегишна т1вар,
Назар гана.
Амукьда вун рик1ин т1алар
Дидар хьана.
Агь, дуьзма-дуьз ярдин шикил,
Эйни я вун,
Адаз муьт1уьгъ адан саил,
Нини я вун...
Гуьнедик ква, ник1е, кьакьан
Гуьлебахан,
Мусалай ваз ви яр дак1ан
Хьана, вахан?
Гуьлебахан
© Copyright: Пакизат Фатуллаева, 2017
Свидетельство о публикации №117021509960
Свидетельство о публикации №117021509960
Рецензии