***

        Урусатда  кьуьд

            
        Лап вижеваз къванва жив.
        Къайи гьава - аяз квай.
        Саврух авач гудай къив,
        Къекъвез хуш я,- жакьракьдай.

        Аршда авай ракъини гур
        Чимивал я жизви хьиз.
        Чил, живед ц1верек1ди кьур,
        Рек1врек1 гузвай гуьзгуь хьиз..

        Верхин тарар, кул – кусни,
        Живед парталд – купада,
        Тафават авач к1усни, -
        Кавалра хьиз аквада.

        Чими,чич1и к1урт1ари…
        Инсанар  хуп1 серес кьаз,
        Кеспидикни кьарайдик
        Квазва чпин дерди акваз.

        Ангье, хъуьт1уьн юрдарин,
        Яргъал тир п1ип1 – бужагърай,
        Акваз жеда хуьрерни,
        Гьахьна секин къужахра.
       
        Къерех тирвал мезрейрин,
        Къекъвез, къачуз нефес - ял.
        Мугьман яз жув кьибледин,
        Гьиссни тийиз хъуьт1уьн «т1ал».
       
        Кьат1уз хъуьт1уьн акунар…
        Лугьузва за, ашкар яз,
        Бул жив авай, аяз квай,
        Урусатда кьуьд пайгар я.

      
       п. Челно-Вершина