Вуч тади кваз, хъипи лали, акъатна вун,
Ц1урун тавур маргъалдин хел чухурдамаз?
Аквада ваз вуч кар ят1а сабур тавун,
Хъфей хъуьт1уьн гьайбат, гьайиф, аквада ваз.
Йикъан чими нурар валай алахьзава,
Куьк1вей шем хьиз, акъвазнава чуьлдин юкьвал.
Вун акваз, зун рик1 к1евиз кьаз алахъзава:
Заз чизва вахъ галукьдайди къаюн завал.
Де дуьньядиз вуч гъана, вуч тухузва на?
Агь, деврандин вахт вини кьил гьафте я ви...
"Зун атана, ваз акуна, - лугьузва на. -
И легьзеяр жанлувилин сифте зи.
Пелеш хьана, туьхвейт1ни гарара и,
За ч1агурна хъуьт1уь кайи сефил алем,
Пуд виш йисуз амукьда зун ц1арара ви -
Пуд югъ хьана, чуьлдай фейи хъипи лали!"
Хъипи лали
© Copyright: Пакизат Фатуллаева, 2017
Свидетельство о публикации №117021510070
Свидетельство о публикации №117021510070
Рецензии