Хафиз

Гъезел

Хелвет утагъ хкягъайдаз ачух айван герек яни?
Яр къекъведай куьче аваз - ч1урар суван герек яни?

Аллагьдин т1вар мецел гъана, зи дердидкай жузуз вуна,
Садра кьванни суал тагун - де лагь, жанан, герек яни?

Гуьзелрин шагь! Тавакъуйда, жигер кана кабаб хьанва,
Жузуз эхир саилдивай: "Дава-дарман герек яни?"

Муьгьтежвиле, дардава зун, мад лугьудай гафар амач,
Де жумартдан тавда ихьтин минетдин ван герек яни?

Ви къаст чи чан къачун ят1а - гафар-ч1алар гьавайда я!
Хазинайрин иеси яз, тараш-талан герек яни?

Дустунин рик1 жем хьайила дуьнья вири акваз жедай,
Адан вилик рахаз ик1а, арза яван герек яни?

Гимичидихъ къекъенай зун жавагьирдин суракьдаваз,
Гила, гевгьер гъилевайла, гьуьлуьн майдан герек яни?

Эй, яланчи! Къекъеч1 анихъ, вав рахадай мажал авач,
Дустар санал алай ара - анал душман герек яни?

Эй, къекъвераг ашукь хьанвай, ви сунадин ал п1узарриз
Ваз къвезвайди чизва - суза, шехьун икьван герек яни?

Эй, Хафиз, мад куьтягь гила - устаддин гаф бада фидач,
Ярдинди наз маса гун я, гьуьжет-дуван герек яни?               

Перевод Пакизат Фатуллаевой.