Админа, динна, дадавул

АДМИНА, ДИННА, ДАДАВУЛ

Хилариъ ек1в, т1ул, табушв ва баршвут
Дибисну лихру Адмийин зиин деъна
Дадавул, хилиъ ади гъирмаж, кьалам ва швит1…
Касибдин гъилихуб тадабгъури ккеъна…
Гъибисуб, чав дип1ну имбуб, хътап1ура
Чан зиин али Дадавлиз,
Дадавли – Дадавлиз, Дадавли – Дадавлиз…
Улариин – нивгъ, машниин – амс, хилариин – к1аш…
Сар Адмийи абц1ра адрабц1ру Ул:
Дадавул, Дадавул, Дадавул…

***

Бахтаври, Касибриин али гъагъ
ц1иб ву к1ури, алабхьуз гъитну лизи агъ,
маллара дитна, ап1ин к1ури Дугъ’ин гъаравул...
Гъач1иган уву кефер ап1идива йип к1ури бул...
Хъа сабан уву ац1ну ккунду к1ури Уьж–Дадавул...
Дадавул, Дадавул, Дадавул…

***

Ва маллара, имамра, кавхара,
дид’инна диндин аьхю к1улра
яв гъюнаригъ гъя, удубдури яв ул,
к1ваълан магьаан к1ури Дадавул…

***

Лихруриз гьярам ву ужувлар…
Гъурдлар ап1ну илкьан хътабгъуз Дугъаз вахт адар …
Жуван хизан, гьа баладар…
Хъа наънан ачмиш гъаши зат адру дадавларна динар,
Сар касдин к1ул’инна варжариинди медресйирна мистар...