"Къизил муьгъ" вуч къаргъишдик ква,
Дак1ан гъуьлуьн къаравут хьиз,
Чи пис-хъсан къаришма я,
Бедвал течир къаравуш хьиз...
Куьруь рехъни яргъи жезва,
Нин гъилева къуьруь дегьре?
Як пайдайди ягъи жезва,
Ракъурзава, я кас, зегьле!
Камни, гафни жерме хьана,
Са калушда гьатна кьве к1вач.
Мугьмандин югъ ч1еме хьана,
Иесиди незва курквач1.
Къизил муьгъ
© Copyright: Пакизат Фатуллаева, 2017
Свидетельство о публикации №117020905568
Свидетельство о публикации №117020905568
Рецензии