Вил ахъайиз тазвач завай
И бед хъуьт1уьн хасиятди:
К1вахьна мад жив рагъул цавай
Чилер кутаз азиятдик.
Гваз къекъвезва пилте гару -
Кул тийидай ч1уру ч1ижер.
За твар вегьез хвейи кару
Ч1ередик ква кьуру тежер.
Рик1еллачир завал хьана,
Саврухди къав шиткизва мад,
Эхир нефес мукьвал хьана,
Аязди къан дигизва мад.
Накь пакамаз жум хьтин рагъ
Гваз атанай гатфарин тел...
Ни эцигна къайи къалпагъ
Зи къупламиш хьайи рик1ел?
Къе пакамаз
© Copyright: Пакизат Фатуллаева, 2017
Свидетельство о публикации №117020808098
Свидетельство о публикации №117020808098
Рецензии