Акуналди чир жедач хьи инсанар,
И кьадардин пехил женни, я Аллагь?
Акван тийиз чпиз чпин нукьсанар,
Суьрме квачир техил женни, я Аллагь?
Сифте жуваз тамашна хьиз хъсандиз,
Ахпа тегьне ягъин гъейри инсандиз,
Аватнавай виляй вичин хизандиз,
Са гардандал кьил женни, я Аллагь?
Вуч аватIа чиз-чиз вичин шеледа,
Ванер твада чара касдин къеледа.
Мефт авачиз, кьуру хьанвай келледа,
Цан цуналди мух, къуьл женни, я Аллагь?
Айиб авач, сад хьиз жедач виридур,
Сад-кьвед мумкин я хьунухьни дилибур.
Саймиш тийиз къекъведайла къенибур,
Гишин руфун, кьве гъил женни, я Аллагь?
Сажидин, на вуж и жуьре цIарарив,
ГатазватIа, лагь, жакьваз кIанз сарарив.
Гьуьжет ийиз, зегьерлу тир тарарив,
Вунни ам хьиз туькьуьл женни, я Аллагь?
Я Аллагь
© Copyright: Сажидин Саидгасанов 4, 2017
Свидетельство о публикации №117020808033
Свидетельство о публикации №117020808033
Рецензии
Сагърай, САЖИДИН стха!!!!
Гизаф късан шиирар я!!!!!
Вин чан сагъ хьурай!!!!
Сельмина Курабекова 01.05.2017 12:36 • Заявить о нарушении
Гизаф късан шиирар я!!!!!
Вин чан сагъ хьурай!!!!
Сельмина Курабекова 01.05.2017 12:36 • Заявить о нарушении