Ошъопэ къуапэм, нэфым иIанэ,
ХьэкIэ гомыIоу шIункIыр пэбанэ;
Набгъо щишIынэу гугъум игуапэ,
Бгъэшхъо лъэбжъаджэу бгъэм зыхегъанэ.
Дунэе фыжьэу нэфым ишъагъэ,
ШIункIым ипщагъо хэт тезыхъуагъэр?
Мэфэ нэфынэу тэ тшIогоIугъэр,
Зэзым идыджы хэт хэзгъэуагъэр?
Псэ угъоякIом, псыхъоу къиугъэу,
Лъэмыджы гоIухэр нэпкъым тырехы:
ЦIыфы жъотыбэмэ зафигъэзагъэу,
Зэу зэхимышIэу апсэ ащ хехы.
Ощхы кIэфылъэу нэпсы гукIаер,
ЧIыгур агъаеу пщэмэ къахехы;
Гур ыгъэузэу гъыбзэбзэIаер,
Бгъэгум ичъыIэу нэкъуаеу къехьы.
ХьакIэ гомыIу
© Copyright: Анатолий Зекох, 2017
Свидетельство о публикации №117020608783
Свидетельство о публикации №117020608783
Рецензии