Мегьежардал дуьгуьр ала,
Юргъ акатна, кьежизва ам.
Сусан гъилел чуьнгуьр ала
Лацу гъилик чк1из макьам.
Гагь цавуз ам тамашзава,
Азад къушраз эвер ийиз,
Гагь ц1ийи к1вал къакъажзава,
Куьгьне мани эзбер ийиз.
Ч1урар аку - къацу магьут,
Гьар пешинал - гевгьердин хат.
Шехьна хъукьвай кьезил булут,
Са хабар гваз сеферда гьат.
Зегьем цавай акатна къвал,
Серин булах батмишна, лагь,
Тек жигъирдиз акъатна свал,
Таза чигер дадмишна, лагь.
МАНИ
© Copyright: Пакизат Фатуллаева, 2017
Свидетельство о публикации №117020500745
Свидетельство о публикации №117020500745
Рецензии