ГЪЕЗЕЛ
Ярдин атир, мили шагьвар, хкваш заз!
Зун кефсуз я, секин ахвар хкваш заз!
Бизар хьанвай рик1ел мелгьем эцигиз,
Хайир-хабар, гъилин кьве ц1ар хкваш заз!
Ч1емерукдай хьел ахъайна кьекьемдин
Са назлуди - кьадач за т1вар - хкваш заз!
Яргъава зун,агьил жезва гъурбатда,
Жегьилвилин ширин хуп1ар хкваш заз!
Теклифа жем сефил хьанвай виридаз,
Низ ам виже татайт1а, гар, - хкваш заз!
Пакадикай куьз рахазва, шарабчи?
Кьисметдивай заминдин чар хкваш заз!
Шезва Хафиз, ик1 вичи-вич хъукьуриз:
"Ярдин атир, мили шагьвар, хкваш заз!".
На лезгинский перевела Пакизат Фатуллаева.
Хафиз
© Copyright: Пакизат Фатуллаева, 2017
Свидетельство о публикации №117020303312
Свидетельство о публикации №117020303312
Рецензии