Яв гьялнакан увуз жаваб

ЯВ ГЬЯЛНАКАН УВУЗ ЖАВАБ

Фу пузавуз яв гьерхрайивалариз…
К1урубдин уву гъавриъ ахъуйк1ан яраб?
Узу сирин ишри, уву – инсан…
Узуз кьусум йиври, уву ишри масан.

Адвал ужуб дар ади гьарган…
Саспиган бахилра шулуш ужу шул.
К1ак1наъ айириз гъирмйир йивури аьдат вуйиган,
К1анакк ккайириин алабт1убра аьйиб даршул.

Фу шулу к1ак1наъ аш – ад?
Фу шулу к1анакк ккаш – нач?
Рубкьруб кюриддизра рубкьиди гьякьди,
Уву ахъу яв саягъназ дилигди.

Гьадму вуйинхъа ухьуз ккундайиб?!
Даршиш уву бадали узук кьусум кубк1уб?!
Уву улихь гьаъну, узу яв сирин хьуб?!…
Инсандин дирбаш’вал дарин му!

Пидарзавуз гафар адмийирин улхьан,
Садар шад ап1ру, тмундар – пашман.
Гъавриъ йихь, увуз ап1урушра иццру,
Уву ккунивалиан вуйиз увуз к1уруб.

Фуж вая фу ап1узахъа ккун?
Инсан, дарш дугъан гъиллигъ?
Шлик вая фтик кипрухъа тягьна?
Инсандик дарш дугъан хасиятнак?

Магьа суалариз тувава гьякьи жаваб!
Я яв диндихьан дишди пуз хьибдар!
Ккундийвуз аькьюл ади варит1ан заан?
Заанурихьна илт1ик1 Библияйиантина.

Я инсан, увуз уву фуж вуш аьгъдарвуз!
Гьаддиз увкан ксиб ктабгъура динди.
Я инсан, увуз уву фукьан заан вуш аьгъдарвуз!
Гьаддиз увкан чан лук1 ктаура динди.

Ич1ибгна хиц1 ихь уьмрариъ:
Абйириъ, вахтариъ ва юк1вариъ.
Яв ифдиинди дубхьна думу тухъ
Увхъан думу хътабкуз ккадар, хъугъ!