Эй, султан, ви къекъуьнриз кьий - шумал буйдихъ чан гуда за!
Зи виликай алад садра - т1арам суйдихъ чан гуда за!
"Мус чан гуда зи к1вачерик?" - ик1 иердиз жузунай на,
Гила милиз т1алабзава - т1алабунихъ чан гуда за!
Зун яргъа я, пияла я, зи шарабчи жем гваз атуй
Куьлуьз-куьлуьз камар къачуз - а камарихъ чан гуда за!
Ам рик1еваз уьмуьр вири кьиляй-кьилиз нахуш хьана,
Заз килиграй - а ч1уп-ч1улав кьве вилихъ зи чан гуда за!
На лагьанай: "Зи п1узаррин лали - т1ални, мелгьемни я",
Вуна гудай азабдихъни, дармандихъни чан гуда за!
Вуч гуьрчег я ви къекъуьнар, агь, назани, назар тахьуй!
Зав гвайди тек са дидар я - ви к1вачерик чан гуда за!
Ви хелветдик Хафизан гьич к1усни умуд кумачт1ани,
Вун авай, на кам вегьезвай гьар чкадихъ чан гуда за!
Перевод с фарси с филологического перевода Н. Чалисовой и Н.Пригарина.
31.01.17.
Хафиз. Гъезел
© Copyright: Пакизат Фатуллаева, 2017
Свидетельство о публикации №117013111643
Свидетельство о публикации №117013111643
Рецензии