Йисаралди къекъвейтlани яргъара,
Чир хьухь,дустар,мукьва-кьили хуьрева.
Гьуьрмет-хатур аватlа чахъ дагълара,
Гьар са касдин чандин дарман хуьрева...
Вун бала хьиз кьада хурал дагълари,
Кьуд пад яйлах, эхир авач тамарин.
Чи уьмуьрдин, яшайишдин гьалариз,
Килиг,дустар, гуьзел девран хуьрева...
Эгечl,дустар, рахаз элдив гьуьрметдив,
Эвел-эхир тахьурай чи суьгьбетдин.
Гьар са касдиз къадир чир хьуй зегьметдин,
Руьгьдин къуват,чандин аман хуьрева...
Яб це,дустар,акьукь куьн зи гъавурда,
За писвалдач, куьне писвал тавуртlа.
Хабарар кьаз, завай суракь авуртlа,
Сагъламвилин рикlин гуман хуьрева...
Аквазва заз вил сефилдиз рекьелла,
Са гъил рикlел, са гъил вичин пелалла.
Марьяман гаф алудмир гьич рикlелай;
Зегьметкешрин манидин ван хуьрева...
Хуьрева
© Copyright: Марьям Алискерова, 2017
Свидетельство о публикации №117013006048
Свидетельство о публикации №117013006048
Рецензии