Гъушну шаир
(Шамил Къазиевдиз)
Гъушну шаир!.. Гъухну чахьди пуз имбу
Гафар, цIарар, уьмрихьна вуйи лигбар,
КтIубшвиганси убгурайи хяд завуъ
Гъушну шаир. Му уьмриъ гъахьир бизар…
Такабурди хъапIну уьмур. Чиплагъ кIваз
Мяна амдру девриъ рягьятди хьундар,
Таб ватандиъ тIаъну улар уччвушназ,
Ургуб йишвхъан рякъяр гъюрайи гъулаъ.
Тепейиз дагъра шаири гъапундар,
Гъяриз нирра…Чпизкьан гъагъ айи гафар
Гъеерхьдар дагълариъ цIибра гъахьундар,
Хьиди хъана дугъан шиърар урхрудар.
Гъушну ухди… А Кьаркьул дагъ ибшури,
Ерхьуразуз Рубас ниринра ишлар...
Йитим гъабхьну дугъан гирами Гуми,
Гъушну шаир… Гъитну шиърар ядигар…
© Copyright: Шюшеханум Керимова 2, 2017
Свидетельство о публикации №117012700307
Свидетельство о публикации №117012700307
Рецензии
Урх, ужур риш, "в прозу ру Рашид Азизов" гьаму шиир: "Гъапхар хът1ят1якьрайи хал" узу чаз Шамилиз гъурхуб ва чав...
Рашид Азизов 2 01.08.2017 22:23 • Заявить о нарушении
Рашид Азизов 2 01.08.2017 22:23 • Заявить о нарушении