Хьо са доттаг1 ва, аз ду цох доаккхал.
Эздий, нийса я хьа оамалаш.
Вахар да хьа хоза, иман - лакха,
Сийле йолаш да хьа г1улакхаш.
Тийна ва хьо массаз, сонтал йоацаш...
Хьоца нийсве вац са цхьаккха саг.
Я хьа уйлаш, айлам хьачулоацаш,
Хьа эзделах-м аьлий а цкъазза хьаг.
Раьза ва со, доттаг1а, хьо хиларах
Тешам болаш вола воша мо.
Вовз хьо эздийча наха кугий ларах,
Я из ц1ена хилар белгало.
Баркал ях аз сабар долаш хьога.
Наха дуккха везаш хиларах.
"Дика ва хьа доттаг1!" - яхаш сога,
Цар са дог сел боча хьестарах.
11.05.06.
Доттаг1чунна
© Copyright: Алаудин Эсмурзиев 2, 2017
Свидетельство о публикации №117012612877
Свидетельство о публикации №117012612877
Рецензии