Ц1аг1а 1е
Даха халдолашехь а даха...
Дахачулла наьха нахац,
Цхьана бе вей дунена мах?
Вей дай низах баьхаб мехках,
Кхойтта шера эзаб бала...
Мишта мог шоана Даьй мохк бехка,
"Ахча дезаш долх тхо!" - ала.
Хьанзалца хала долашехь а баьха,
Шой даьй-ноаной доадеш сий...
Фий шун яхь йолачун маьха,
Эхь е эздел, хьацар, ц1ий?
Мичай Г1алг1ай яхь я яхар,
Мичай курал, денал, юхь?
Мал ва дунеча ца леж висар?
Ц1аг1а 1е, шей Даьла духь!
Адмаш дела ма де вей мехках,
З1амиг бац вей мохк, Г1алг1ай!
Сих а ца луш довла чехка,
Шой никъ юхаберзабей...
Пана мехка - эрий ара,
Веннар-ваьнар къоаст ца луш.
"Вей воай ц1аг1а 1ийнадалара!"
Яхаргда оаш касталуш!
04.12.09.
Свидетельство о публикации №117012400571