ЭН ГЕДИ

            ЭН–ГЕДИ – 
            МУДРИН БУЛАГЪ

Эн-Геди…
Эн-Геди…
Эн-Геди… – багъривалин ц1юмгъял!
Инсаниятдиз йивурайи ц1адларин зурна!
Садарин ву думу к1ваин али аьмгъял !
Садариз – гьяйбат, мюгьюббат ва завун дурна!

Ригъарин дернериан адагъну
Ккедярхъюз дагъларин ц1ар дебккна.
Ярдан дерейин швур дибисну
Дурари ялав машаризди крабч1ура.
Ирин чарчариси!

Кьилзи гьюлик ц1арназ т1убар курсуз ккунди
Табарин канч1ар штузди гат1ахьна.
Мик1ранна лит1нарин гьит1ик1ник1ари
Дурарин вари му тереф кьабишназ илт1ибк1на.
Ихь абайинси!

Къур. Къур ву яв улихь заанди дийибгънайи дагъ.
Гъуш. Гъуш шуйк1ан яраб гъафиш мина жара саягъ?
Ук1. Гьубк1ну ук1 ибшри, хъа дидкан шуйк1ан багъ?
Гъаравул. Я гъаравул! Дарш уву му жилиин Сарин вуйва вакил?
Сарин вакил!

Даршул! Дарди шулин дагъдин тина далдайиан
Бетдианси удубзура, убсра, хъа гьялакди гъябгъюра к1егьсиб…
Рубзрушвар табасаран шуран гъядабт1найи чру халачиси
Дуркьарилан алдадабгъди ккилибгури Эйси гъяйиз дебккна.
Гъяйиз Эйси!

Я Эн-Геди, увуз мудрин булагъ дупна ихь абйири…
Гъабч1ибдихьан ч1ивиб инсандиз мудри гъабхуншул…
Штухьна гъарзарин жяргъларик жилгъа диди улупуншул…
Фици вушра увухьна гъафир гъах дарап1ди кьяляхъ гьаъдарва.
Гьаърадарва, Эн-Геди!
Узуз ккуни убсру булагъ, Эн-Геди!