Кваназе малъулеб г1анк1ул т1инч г1адин
Рокьуе куцана дуца дир лугбал.
Кинандай х1ехьелеб мун вач1инег1ан
Г1акълу гьеч1еб рокьул рак1алде щвеял.
Рокъов мун щвезег1ан щибаб лагаялъ
Ц1ехола киб бугеб рокьуй жавабан.
Жакъаги гьебго х1ал дир гьаб черхалъул
Чара хун кидадай гьаб къо инаян.
Къаси мун щвеч1они щибдай гьабила
Сордо рогьинег1ан г1азабги ч1амун.
Дуе нух бит1аги рокъов лъик1 щваги
Рек1ел мурад т1убан т1аб лъик1 вусаги.
Нух бит1ун т1ад вуса
© Copyright: Халимат Ахмедовна, 2017
Свидетельство о публикации №117012007073
Свидетельство о публикации №117012007073
Рецензии