Кьисмет хьанач,кьилихъ пекдин шал хьанач,
Пелен юкьвал я аквадай хал хьанач.
Рикlяй фейи хиял какур цал хьанач,
Балхарвидин гъилевай,зун,чеб хьана...
Ихьтин уьмуьр жедайди заз чир хьанач,
Вун рагъ хьана,зун цихъ къаних вир хьанач.
Зи лугьунар вуч ятlа ваз сир хьанач,
Ваз кlелен чlур-недай къе,зун,цеб хьана...
Дерт регъведай кlашни-кlавузар хьанач,
Гъамарин кьил чимна агъузар хьанач.
Рикlе тахьай агьни агьузар хьанач,
Чхради звар гайи ваз,зун,еб хьана...
Хважамжамдин нурар я чилел хьанач,
Сада лугьуз,садан хъвер сивел хьанач.
Я мулдин цуьк,я закай гуьзел хьанач,
Аял шехьна юзурдай,зун,кьеб хьана...
Хьанач...
© Copyright: Марьям Алискерова, 2017
Свидетельство о публикации №117011306067
Свидетельство о публикации №117011306067
Рецензии