(посвящается одной ...)
Вун са атир, вун зи шагь гар, шагьвар я
Зи хиялри и шагьвардихъ лув гуда.
Вун хъуьт1уьзни зулузни заз гатфар я,
Зи мурадри и гатфардихъ лув гуда.
К1ват1 тахьурай ви дак1ардихъ гьар йифиз,
Милйон, милйон гъетери ваз вил мич1из,
Ц1ийи варзни гьейранвилив килигиз,
Вун я зи бахт, за дак1ардихъ лув гуда.
Атана вун зи ахвариз сенвизни,
Ви ашкъиди аман гузвач йифизни,
Муьгьуьббатдин азабар чиз течизни
Зи мич1ери а ахвардихъ лув гуда.
Зун аранда чразава ялавда,
Вун дагълара эйван галай са тавда,
Кифер юзаз чарчар хьана са ч1авда.
Руьгь къакъатна а чарчардихъ лув гуда
Шаир Арран гьейран я ви камалдал,
Ашукь хьана марвар хьтин жамалдал,
Ихтияр це, хъуьремир зи амалдал,
За дак1ардай вун марвардихъ лув гуда.
ЛУВ ГУДА
© Copyright: Шахмардан Арран, 2016
Свидетельство о публикации №116122708790
Свидетельство о публикации №116122708790
Рецензии