КIантIа кьуьд хьуй, кIантIа гатфар,
КIантIа хьурай хъчад афар,
Заз чидай гьал, я са гафар,
Фуни ниси - нисини фу!
Гичиндавай къайи булах,
Вирт са затI туш, квачир мумлах.
Авурла, нуш жеда кIвалах,
Фуни ниси - нисини фу!
ТIанурдин фу - таза, верцIи,
Пис туш ругур кIекни «кьецIи»,
ТIуьрла нуш я - шаз ва я цIи,
Фуни ниси - нисини фу!
Ниси жен вич дагъдин, хпен,
Къацу чIурал кутунвай пен.
Валлагь, тIуьр хьиз жеда цикIен,
Фуни ниси - нисини фу!
Чи дагъвийрин кьурай къахар,
Ашар ийиз ава чIахар.
Са стхаяр, я са вахар,
Фуни ниси - нисини фу!
Сажидин дуст, а ви кьатIун,
Кьве гъилив кьаз, я фу атIун.
Са гафар я, бес хьурай тIун,
Фуни ниси - нисини фу!
Фуни ниси - нисини фу
© Copyright: Сажидин Саидгасанов 4, 2016
Свидетельство о публикации №116122505046
Свидетельство о публикации №116122505046
Рецензии