Са чIавузни рекьин тийир
Игитрин тIварар;
Я, багълара гъидай хийир,
Бегьердин тарар!
Бес Халиков Ридиман тIвар,
Кутугнавай кьегьелриз;
Кьиле тухвай игит шартIар,
Чешне тушни аялриз?
А цуькведа авай яшар,
Телеф хьайи жегьилвал;
Етим авур гада, рушар,
Я душманрин пехилвал!
Амма чир хьуй гьар душмандиз,
Чун гьулданар, къванер я!
Сенгерар хуьз, чи Ватандиз,
Ягъай ракьун кIунер я!
Припев:
Кьиникьивай кичIе тушир,
Дагъвияр я – лезгияр!
Са куьникай кичIе тушир,
Лезгияр я – дагъвияр!
Дагъвияр я - лезгияр
© Copyright: Сажидин Саидгасанов 4, 2016
Свидетельство о публикации №116122503149
Свидетельство о публикации №116122503149
Рецензии