Гьич садазни за вун гудач,
Ви гелевай авчи я зун.
Валай даим вил алуддач,
Ви рекьевай лавчи я зун.
Лув гана къвез,хьана са лиф,
Хиялри зав агудзава.
Вун галачиз жезва зийиф,
Уьмуьрди зун галудзава.
Муьгьуьббатди гайи туш чин,
Жегьил йисар цlузни,вацlуз...
Бес за гила гьикlин-вучин?
Тамир,яр,на зун къе ялгъуз.
Бахтавар са кас жеда зун,
Гъам акъатда вилерайни.
Ваз вафалу свас жеда зун,
Бязибурун хъилерайни.
Авчи- гъуьрчехъан.
Лавчи- лават ягъиз къекъуьн.
Кlаниди
© Copyright: Марьям Алискерова, 2016
Свидетельство о публикации №116122405913
Свидетельство о публикации №116122405913
Рецензии