Мани хьанва вакай заз,яр,рикl алай,
Нивай жеда ихьтин мани туькlуьриз?
Акурла рагъ чи векьерал чиг алай,
Вун къекъвезва рикlин хиял куькlуьриз.
Вун,Керемал ашукь хьайи Эсли хьиз,
Кlанид,зун вал ашукь хьанва рикlивай.
Дуьньядикай пай атlанвай есир яз,
Тартиб чlурна, алатна зун рекьелай.
Кlанда лугьуз, ганай на гаф сифте заз,
Ви гафарин иеси вун хьаначир.
Вучиз амач ваз ачух чин рахадай?
Ви рикlе заз вуна чка туначир.
Тахсир яни жегьил чlавуз вун кlан хьун,
А вахтар,къвез,гьатзава зи фикирда.
Тамарзлу я са кардихъ:къе ви ван хьун!
Ви тlвар твазва за гьар цlийи шиирда!
Тартиб-вакъиаяр са тайин алакъада аваз,галай-галайвал дуьздаказ эцигун.(порядок)
Вакай мани хьанва
© Copyright: Марьям Алискерова, 2016
Свидетельство о публикации №116122404987
Свидетельство о публикации №116122404987
Рецензии