(Янднаькъана Джамалда ваь 100 шу дизара хетаяь)
Моакхаза чхараша ма ярра хьесташ,
Таьлмена йижа аьрзе-наналг санна,
Сатеме улл, аренашка ювцаш
Ший хозленаш – Нана-Балте – денна.
Сигала хьувза сина мукъа лаьчеш
Даьхен лоамашка да салам телаш.
Хьийдда удача Тийркана талгIеш
Укхаз тайже, тув, Балтенга хьежаш.
МоцагIа, сецца, керда зама кхоллаш,
Зовне екача оазанца хойташ,
Вессав поэт Балте, говза волаш,
Ший къаманна нийса никъ а гойташ.
Цу хана-денза сийрдаяьнна, къегаш,
Я Дарьяла доале яда ареш:
ГIалгIай мехка Джамалда цIи екаш,
ГIозадувл ер лоамаш, довкъаш, аьлеш…
Моакхаза лоамаша ма ярра хестош,
Нана-Балте улл сатийна йолаш,
Замай таьшца белгалонаш лестош,
Беркат шийна чухьа дуккха долаш.
13. 10. 2016 шу
Нана-Балте
© Copyright: Аслан Куазо Ингушетия, 2016
Свидетельство о публикации №116122209080
Свидетельство о публикации №116122209080
Рецензии