Салам мектеб! им зун я
Къе вин патав атай.
Уьмуьрдин рекьериз фена
Элкъвена хтай.
Вил хьанвай зин партадихъни
Зун ч1ехи хьайи.
Кам къачуртир чирвилер гваз
Вуна заз гайи.
Яхц1ур салай хтана мад
Салам гана зун.
Муаллимар заз тарс гайи,
Метлеб тир акун.
К1елиз чирай классни
Гьа авайвал амай.
Гьайиф хьин ,зин муаллимар
Кас хьанач атай.
Шумуд йисар санал хьанай
Са хзан хьиз чун.
Гагь кик1идай ,к1андачир чаз
Тахсир хиве кьун.
Вилик фенай яваш-яваш
К1вачин гелер тваз.
Хайи мектеб хтанва зун
Икрам ийиз ваз.
Кьбулнай зун и мектебда
Сивел хъвер алаз.
Са тарсуна ацукьнай зун
Зин вахт рик1еваз.
Давамзавай аялри чин
Гележег экуь.
Акурла, дамах акатна
Хьанай заз хвеши.
Салам мектеб!
© Copyright: Гулья Мисриханова, 2016
Свидетельство о публикации №116121909463
Свидетельство о публикации №116121909463
Рецензии