Гьарай Дунья! Шехьзава лап, рик1 къе заз,
Марфад ст1ал авахьзава чандилай.
Аквазвани дердери зун кьунвай ваз?
Къит1кьин жеда рик1 зи, пад жез к1анзавай.
Эсер гузва, накъвад ац1ай вилериз,
Битмиш жезвай булахар дамардавай.
Баят хьана физ акурла чилериз,
Къурмишзава, деринар зи чандавай.
Къе гьарма сад, к1валени ва патавай,
Квадарзава намус, абур, хайи ч1ал.
Вик1егь хьанва гъвеч1идини гъапавай,
Гьик1 акъудрай, рик1е гьатай еке т1ал.
Са вахтунда, ч1алал жуван раханач,
Чара пата четинвал жез кич1ела.
Ч1ал чириз зун алахънат1ан, гьеч хьанач,
Тахсир жуван чир хьана заз, лап гила.
Чан аламаз, жуван Ватан, жуван ч1ал,
Квадар мийир, чан балаяр, минетхьуй.
Зи чандавай, дердерин, лап еке т1ал,
Мус квахьна ам, зи чандавай, акъатуй?
Гьарай Дунья! Шехьзава лап рик1 къе заз
© Copyright: Назиль Махмуд 76, 2016
Свидетельство о публикации №116121706100
Свидетельство о публикации №116121706100
Рецензии