Япшыныж

СощIэжыр иджыри сыщIыкIуу
Уэс ин зэгуэр къэсау,
ЛэмиIэжьыкъуэ джэкIуакIуэ
                сыкIуэу,
Бжэндэхъу жэкъуау сыхуэзау.
Абы псалъэкIэ ищIатэм,
Дунейм хуэшхыдэ хэлът,
Гъатхапэу ди деж къэлъэтжри,
Имычэзуу борэным хэхуат.
КъыщыIар къызжиIэным нэмысу,
Уэс щIыIэм ар къыхэсхащ,
ЗанщIэу зызмыгъэкIасэу,
Хъэрыпыр ди унэм къэсхьащ.
А зэм фIэкIауэ си гъащIэм,
Бжэндэхъу сэ IэкIэ сIыгъакъым,
Езыр нэшхьэку дакъэм сытэсу,
Бзу жыхуаIэ хьэщIагъэ есхакъым.
Уарцэ мафIэр къызэщIэплъауэ,
А махуэм ди унэр ауэ сытми хабэт,
Дунейм гъатхэмэ щыуауэ,
Уэсыр ткIууэрэ, щIым бахъэр
                къыхихурт.
Iэрубыду ди унэм къэсхьар,
Сэ гъэру куэдрэ сIыгъакъым,
ЩIыбым ищIэм сеплъыну щысхъам,
Лъатэжри афIэкIа слъагъужакъым?!..
ИужькIэ белигъ сыхъуау,
Си куэдым сэбэп сахуэхъуащ,
Абыхэми мыпсалъэ яхэти,
Упсэу! - жизмыIаи сыхуэзащ.
Нобэми, фIы сщIэуэрэ, псым занщIэу
                хызожзэ.
Гъатхэ зэрыхъуу къакIуэж,
ПщэдджыжькIэ уэрэд дахэ къырашри бжэндэхъухэм
КъысфIощIыр ахэр заэу сэ схуэпшынэж.
ФIы зыхуэсщIахэм тIэкIу защIэжатэм,
Сэ езым стхау дунейм тхылъ кхытехьат,
Рынок жаIэу къэрал зэIашIам,
Куэдым ар яхуэщхьэжэнт.