Амач уьмуьд, ат1анва вил ярдикай,
Вучиз ят1ан секин хьанва гуьгьуьл зи.
Виже туш зи, кич1езмач мад харцикай,
Винел къвезвай бед ният квай гарцикай.
Вучиз ят1ан секин хьанва гуьгьуьл зи.
К1ан хъийизмач верци зат1ар зи чандиз,
Вучиз ят1ан эмин хьанва уьмуьр зи.
Бахтуни зун хабар квачиз, тапандиз
Вердишарна уьмуьр гьализ заландиз.
Вучиз ят1ан секин хьанва гуьгьуьл зи.
Йиргазавай лепейрал чан аламач,
Вучиз ят1ан етим хьанва къе гьуьл зи.
Захъ ашкъидал аруш хьанвай гьал амач,
Муьгьуьббатди багъишнавай т1ал амач,
Вучиз ят1ан секин хьанва гуьгьуьл зи.
Секин хьанва зи гуьгьуьл
© Copyright: Шахмардан Арран, 2016
Свидетельство о публикации №116120910556
Свидетельство о публикации №116120910556
Рецензии