Къ. Хьэчим и рестораным

               1
СыхуеплъэкIкIэ сыт си гур хэзгъэщIыу,
Къуажэ чайнэр укъауэ къэнащ,
Абы куэд щIау шхын IэфI щамыщIыжу,
ЩIэта штатыр пIэхэнэуэ лIащ.
Къущхьэхъу дэкхIэр абдеж къыщыувыIэрт,,
Гъэр бэв хъуну хъуэхъуфIхэр ягъэIут,
Я уэрэдхэм къыдежьыу уафэгъуагъуэр,
Хъушэ инхэр хъупIэм нагъэст.
Планыр фIыу игъэщашIэрт а шхэпIэм,
Махуэр хъуамэ цIыху куэд щызэблэкIт,
ЦIыху шIыхьамэ кIуэрэ пэт Iуащхьэ лъапэм,
Менюм хэплъэм и ныбэм из хъурт.
СымэжалIэу иджыри сыцIыкIуу
Сыту куэдрэ абдеж сыблэкIа,
СыщIыхьами ауэ сагъэшхэну,
Бжэблыкъ иным сикIын слъэмыкIа?!
Зэзэмызэ щыуау сыщIыхьами
Тыкуэн тесым кIэнфэт IэфI къызитащ,
Тхьэм ар псапэу къритыж а нэрыбгэм,
Мызэ-мытIэу сигъэгуфIащ.
ЩIыхьэрейу щытащ, абы лIы бжьыфIэ,
ШколакIуэу хъуам дэ ар фIыу тлъагъут,
И щхьэр псэу къикIыжау зауэ гуащIэм,
БжыгъэмкIэ дерсхэр IупщIэу къыдитт.
Абы зэи мыпэж къыджиIакъым:
Хьэчим зауэм лIыхъужьу хээтащ,
Жэщу бийм и щIыгъунэр зэпичри,
И плIэм илъу нэмыщэлIыр къихьат!
Мэмырыгъэм нэхъыфI щымыIэу
СощIэжыр абы къиджиIау,
Ар си гум къинащ сщымыгъупщэу,
Мэмырыгъэм ноби си псэр щIэстынщ.
Горбачев ди къуажэ чайнэм щIыхьами,
Ар нобэ хэт къыджиIэн,
Абы игугъу ящIыу щытащ мэзкуу дэсхэм,
Куэд мыбдеж къыщызэтеувыIэу щытащ.
Чэзу имыIатэмэ тхъэгъуэм,
Къуажэ чайнэр иджыри щIыэнт,
Уэржакъым икIа Iугъэу макIуэр зэманыр,
Иджы щыIэ щIалэгъуалэм Тхьэм куэд яхуэзэфIыгъэкI.
Чэщэнэжьу нобэ къэнажа унэм,
Ауэ ***йн дауи щыIэнщ,
Хьуэхъу куэд зэхэхащ, абы блынхэм
Бэлигъ сыхъуау сэри си псалъэ абы щыIуащ.
               2
Зэман бзаджэм и ныбжь кътыридзэу,
Къуажэ чайнэр чащэнэу къэнами,
Куэд дэмыкIыу гу кIуэм и гудзэу,
Ар зыгуэрым ей хъункIэ хъунщ.
Шэфийм и цIэджэгъур абы емыжьэу,
Езым и ейу ресторан иухуащ.
Иджы куэд мыщIэу дэрэжэгъуэр ди бэу,
Жэмыхъуэхэрэ Щоджэнхэрэ абы дыщIэсащ.
Щоджэнхэ лъэпкъышхуэщ зэмыблагъэу куэд хъууэ,
IыхьлыгъэкIэ къыдгуэмыхьэхэм дахэIэбащ,
Фатимэ дахэ иджы ди нысэщ,
Си къуэш Амир ар псэуэгъу ищIащ.
Мартин Щоджэныр тхьэмадэу щысати,
Iэнэр къулейуэ иригъэкIуэкIащ,
ФIыуэ ушхэркъым жери зэ къызэгийри,
Шхын IэфI ящIахэм фIыу седзэкъащ.
Тхьэмадэм и жыIэм семыдыIуатэм,
Дауэ-дапщэм чэф Iей сыщыхъунт,
Ди лъэныкъуэкIэ нэхъыжьу абы сымыкIуатэм,
Апхуэдэ къэхъуами ягъэ мыкIынт.
Дэ ди лъэпкъ хабзэщ зэ фIэкIа къэдмышэу,
Амир ди лъэпкъ хабзэм флъагъунщ ирикIуэнщ.
Къуэ бын щэ быну иухуэщи унагъуэ,
ЛъэпкъылI къищIыкIауэ зэгуэр флъагъунщ.
Си къуэшыр сэ къыстемыкIуатэм,
Сыт щхьэкIэ ар абы хуэжысIэнт,
Сэ Армэм Хьэтэт сигъэкIуауэ щытакъым,
Амир абы кIуэри звание къихьаэ къытхуэкIуэжащ.
Дауэ мыхъуами лIыгъэ гуэр симыIатэм,
Офицер званиер сэ къысхуэхьынтэкъым,
Тарскэ аузым дыщыщIащIам мазитIкIэ,
Сигъусахэм я икIэ зыкъизгъэхуакъым.
Хьэчим и рестораным дыщыщIэсам,
Сэ хъэджэбз дахэ си гу къыдыхьащ,
Ар хатхэ яейми сэ къысхуэщIакъым,
ЩIэлэфI натIэ хъуну Тхьэм сыхуейлъэIуащ.
                Октябрь, 2016 гъ.