Кlанда хьи заз ви хуш къилих,рахунар...
Ви гьар са гаф миже хьиз заз ширин я.
Ви гьиссерин бинедаллаз лугьунар,
Еке гьуьл хьиз дегьне такваз,дерин я.
Муьгьуьббат зин цаварилай кьакьан я,
Лугьуз тежер гафар ава зи чанда.
Вун зи руьгьдин,зи рикl алай макьам я,
Къекъвезва зун азад къуш хьиз ватанда.
Экуь гъед хьиз нур гуз жеда кьилеллай,
Хатайрикай зун хуьзавай дагъ я вун.
Гьар патахъди рекьер фенва чилелай,
Зул атайла бегьер гузвай багъ я вун.
Бязибуру лугьузва вун бахтсуз я,
Зун бахтлу я,пехилни туш масадал.
Куьне лагьай вири гафар вахтсуз я,
Заз вахт авач,бахтсуз жедай дуьньядал.
Муьгьуьббат
© Copyright: Марьям Алискерова, 2016
Свидетельство о публикации №116120209718
Свидетельство о публикации №116120209718
Рецензии