Няхай душа спявае
Ад урачоў чакаюць паратунку,
Ад кухараў, напэўна, пачастунку.
Прыемных слоў ад любых і спатканняў,
А ад паэткі вершаў-пажаданняў.
І я ў душы сваёй шукаю словы
З паўнюткім зернем, без хлусні-паловы,
Каб выказаць удзячнасць, захапленне
Усяму таму, што дарыць мне натхненне.
Падобныя ўсе словы, віншаванні,
Як нашы лёсы, жыцці, скрыжаванні.
Адметныя радкі знайсці хацела,
Калі б магла, калі б усё умела.
Гады ляцяць, і іх ніяк не спыніш,
Не трэба думаць пра жыццёвы фініш.
Няхай душа спявае на прыволлі
І будзе ў ёй радкам маім раздолле.
2003 год
здымак з інтэрнэта
Пусть душа поёт
© Copyright: Нина Ковальчук, 2016
Свидетельство о публикации №116112107109
Свидетельство о публикации №116112107109
Рецензии