Письмо от сына
Пісьмо ад сына
Вось і пісьмо на парозе,
«Мар'іна Горка.Спецназ»…
Думкамі маці ў дарозе,
Толькі б прыехаць у час.
Сын там прысягу чакае,
Поўны здзяйсненняў і мар.
Студзеньскі вецер шпурляе
Кроплі халодныя ў твар.
А тут, у вясковай хаце,
Дыхае печ цеплынёй,
І бохан духмяны маці
Пагладзіла даланёй.
Сыну найлепшым ласункам
Будзе дамашні пірог.
Вечным, надзейным прытулкам-
Бацькавай хаты парог.
1999 год
здымак з інтэрнэта
© Copyright: Нина Ковальчук, 2016
Свидетельство о публикации №116111710752
Свидетельство о публикации №116111710752
Рецензии