Святое месца пуста не бывае
Я ведаю, зусім ты не хацеў
Таго, што неабачліва зрабіў.
Анёл-ахоўнік, пэўна, паляцеў
Па нейкіх справах і зусім забыў:
Святое месца пуста не бывае—
Няма яго, хтось подленькі займае.
Раскаянне прыходзіць шмат пазней,
Калі паправіць штосьці немагчыма.
Не дапаможа нават чарадзей,
Бо дзе ўзгорак, там ёсць і лагчына.
Але ж патрэбна розум мець цвярозы—
Не прыйдзецца глытаць адчай і слёзы.
У кожнага здараюцца не ў час
Свае непрадказальныя памылкі,
Калі анёл забудзецца пра нас,
То мы трапляем д’яблу ў абдымкі.
Дзеля дабра ўсё ж крыўды забываем,
Няхай лепш сонца свеціць па-над гаем.
1999 год
здымак з інтэрнэта
Святое место пустым не бывает
© Copyright: Нина Ковальчук, 2016
Свидетельство о публикации №116111603980
Свидетельство о публикации №116111603980
Рецензии