***

Б Е Г Е Л    Я


Вун зи рик1ел  ик1 алама:
Шумал  буйдин, яргъи кифер,   
Таза чагъдин чиг аламай,          
Цуькведин к1унч хьтин иер!       

Вун са руш тир,  тежер хьтин,
Зун туьквена жедай агат.
Зак1алдин къаш - гевгьер хьтин,    
Гьат хъийидай мад бажагьат.               
               
Вун  аквадай жедай мажал,               
Гьафтед къене  тек са сефер,          
Гьяддин юкъуз,  чун  жез санал,-
Югъ тир ам чаз эвез тежер .   

Рик1еллама, куьсруь квай тар,               
Чи рик1 алай чка тир ам.               
Тухдалд чна ийиз гафар,
Ацукьдай тир жедалд рагъдан.               
               
Гьар гъилера кьурла ви гъил,          
Заз уьркуьт лиф къур  хьиз жедай.
Ви  пак  муьгьуьббатдин  гевил ,
Къалаблух квай хур хьиз жедай.

Сифте  темен  т1алабайла,
Са кам залай хьана къерех,
Секин ванцив, тажуб  хьана,
Лагьанай на: заз туш герек. 

Хъуьтуьл луьк1уьн, умун къилих
Акваз зун вал жедай гьейран.
Гьич садрани рик1из кирих
Ихтилат-гаф жедачир ван...

Тавазвилер,  а йисарин,
Гагь-гагь хквезват1ан  рик1ел.
Къенин, чи агьил  яшарин,
Пайгар уьмуьр  я чаз бегел.


2015 й.