Са касди икl лагьана заз:
"Дишегьли я,вун,ша акъваз!
Амачни ваз ийидай кар?
Жагъизвачни шткидай вар?
Кlвалах тlимил туш хьи кlвале,
Дуллух гъидай кеспи гъиле.
Тlимил яни ваз дердияр,
Куьз герек я ваз манияр?"
А касдиз за гана жаваб:
"Са кlусни ваз гумир азаб,
Авачтlа вин фикир кьиле,
Ви тегьнеяр тур ви рикlе!
Хайи чlал заз гьар са юкъуз,
Экуь рагъ я, даим нур гур.
Шавгьар гъизвай чими гатуз,
Рикlин сир лугьуч гатаз хур.
Авачни ваз лугьур мад гаф?
Кьацlал жеда цlийи тир саф!
Дидедин чlал я заз масан!
Машгьурда за жуван Ватан!
Дишегьли я лугьуз субай,
За зи кlуфуз гузвай туш къай!
На файдасуз харжзавай вахт,
За шиирриз бахшзава,вах!"
Вун, ша акъваз!
© Copyright: Марьям Алискерова, 2016
Свидетельство о публикации №116102910333
Свидетельство о публикации №116102910333
Рецензии