Кьулан Ст1алрин школадин 100 йис тамам хьуниз
Лезгистандин тепеяр кьур Ст1алар, Пуд куркур хьиз рап1-рап1 гузвай къелеяр. Илимдин багъ илигнавай кьегьалар, Сагърай виш сан тарих хуьзвай невеяр.
Иесияр алпан, араб хат1арин, Аджам,урус бине хьайи гъезелрин. Багъ-бустандин сагьибар тир зат1арин, Ватан я куь игитринни гуьзелрин.
Гьар са патахъ хиялар хьиз шегьреяр, Бул булахар зем-земдин яд авахьиз. Мерд инсанри тазва чпин легьзеяр, Девирдин чин гуьрчегариз алахъиз.
Инсанар я зегьмет, илим к1анибур, Хуьре-к1вале къайдаярни гахълубур, Шад рик1ерин хиялар я къенибур, Ислягь дуьнья, гележегни бахтлубур.
Кьулан Ст1алрин школадиз
© Copyright: Нажмудин Шихнабиев 2, 2016
Свидетельство о публикации №116102510851
Свидетельство о публикации №116102510851
Рецензии