Ват1ан

Хъах1аб г1аздалъ рахчун зодикь тункарал,
Рорхатал муг1рузул бег1ерал т1огьал.
Зодоб квер бегьани кодоб ц1ва щолел,
Ц1орорал иццазул рорхатал щобал...

Халкъалъ  чанги харил  мегъал  рецараб,
Хурзал   моц1рол  канлъухъ  гваяз лъилъараб.
Мугъалъ  магьал  раччун яшав гьабураб,
Чабхил  сухъмахъ  нухал лъелго  мерхьараб. 

Тушбабаз ц1аял гъун  ч1обоголъараб,
Балъго мац1ихъабаз гочизабураб.
Зах1малъабаз г1емер къо бихьаниги,
Росдал  агьлабаца   къимат борхараб...

Г1алимчи кидаго жанив  камич1еб,
Камилал  наслабаз адаб рехич1еб.
Ват1анияб  рагъде  ах1и  бач1индал,
Бах1арчиял васал нахъег1ан къач1еб.
 
Г1емер миллатаца жодор росаби,
Кулабазде руссун   ч1унтизаридал. 
Муг1рул т1огьиб бугеб т1огьол расалъи,
Наслабаз ц1идаса  ч1ух1изабураб...

Сверун жинда рачел кьурабаз къараб,
Г1одоса  расалъи  рохьаз бацараб.
Рохьазулъ чундулги,   зодор ц1умалги-
Сундасанго т1ок1аб т1адмаг1аруллъи...