Абур ва намус

          АБУР ВА НАМУС
          (Махъв-Басня)

Гъахьну гъахьундар сар Гъуллугъчи…
Гъуллугъчи вуйи Шуллугъчи…
Шуллугъчийи дих гъап1у сар Угърийиз…
Угърийи ургъуз гъитру Убгърурихьди гъулар…
Гъулариз т1улар гъахнийи ярквраан…
Гъубгъуриз убгъруб тувнийи кьиматнаан…
Угъри гъулариз гъилигу…
Гъилигу гъуларикан гьап1руш дугъу хярт1 гъацабху…
К1улиз гъафиб гьипну улихь
Угъри гъушу гъулариз лигуз…
Лигуруш гъулариъ гъулар имдар…
Мал-къара халкьарихъ хъимдар…
Угъи шадну кудут1ну Шуллугъчийихьна гъафи…
Шуллугъчийи Гъуллугъчийиз гъулар масу туву...
Туву пул дурари чиб-чпигъ пай гъап1у...
Угъри кьяла т1уб гъаши…
Гъулар гъулариъ диву...
Дивну к1ури пейин наънан ап1уру…
Пейин саризра лазим дар – малар адар…
Гъит гъулар гъулариъ ади ишри…
Угъри мидиз рази дар…
Дугъу гъулар дап1ну уч
Гъягъюру гьамус Гъуллугъчийихьна масу тувуз…
Гъуллугъчи вуйи Шуллугъчи…
Шуллугъчийи чиб-чпигъ пул пай ап1уру…
Ва му ражари сац1иб Угърийизра кап1ру
Чан угъривалин гьунарназ дилигну…
Гьамци му кьюр вуйи сар касдин
Угърийин кюмекниинди,
Убгърурин зегьметниинди,
Аллагьдин амриинди,
Бахт гъилибху нисуъ мялхъвинси,
Лигури заансина гъулариз,
Гъуларикан хабар хьуз гъидритди лук1ариз,
Лук1арин улихь чарчси гьупну дин
Сикин дихьна абурлу Намуслудин.