З У Л У Н Б А ГЪ
Къекъвезва зун зулун багъда,
Тарар "кьец1ил", - амач бегьер.
К1вачик пешер , кьурай гьалда,
Вишриш ийиз пашман тегьер.
Акъвазна зун багъдин юкьвал,
Фагьум ийиз гьар са тарциз.
Къатна гъилер ала хурал,
Тариф авун алакь тийиз.
Перишан я багъда алем,
Зул хьанват1ан вичиз мугьман.
Накь авай тир арудин дем.
Къе лагьайт1а, ич1и я тамам.
Аламач хас либас ч1агай,
Дамах ийиз жедай лавгъа.
Гару, хумул галаз атай ,
Дегишнава к1алуб таза.
Заз к1анда зул -ам атанва,..
Вучиз ят1ан я заз сугъул.
Багъ мешребсуз гьалда ава.
Чими жезвач гуьгьулда къул.
1989 й.
***
© Copyright: Фикрет Хидиров, 2016
Свидетельство о публикации №116101711301
Свидетельство о публикации №116101711301
Рецензии